2019ko Apirilaren 29
Egia esan, gaur gauza nahikotxo egin ditugu. Lehenik eta behin, astero bezala Erizen azalpenak entzun eta jarraian berak esandako lanak egiten hasi gara. Alde batetik, egunero egiten dugun bezala, partzelak ureztatzen ibili gara. Aste Santu eta geroko lehenengoa klasea izan denez partzela bakoitza hiru aldiz ureztatu ditugu. Bestalde, ortuari batzuk hartzeko aukera ere euki dugu. Azaloreak, babak eta ilarrak hain zuzen ere. Azaloreak hartzeko lehenengo kanpoalderantz zeuden hostoak kendu ditugu, horrela zurtoina kentzea errezagoa izango zela esan digulako Erizek. Hosto horiek zatitu, eta jarraian hau konposterara eraman dugu. Gaur hartu ditugun beste barazkiak, ilarrak eta babak izan dira. Hauek batzeko eta landarea ez kaltetzeko kontu handiz lekaleari bueltak eman dizkiogu atera ditugun arte. Azkenik, klase amaieran ikasleon artean zozketa egin dugu barazki bakoitza nork eramango zuen adosteko.
Beraz, gaurko saioan, lan asko egin behar izan dugu baina, honek beti ere sari bat du eta gaurkoa barazki gozo batzuk izan dira!
iruzkinik ez:
Argitaratu iruzkina